Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Vdekja pa autor e Ardit Gjoklajt / Gjykata ia hedh topin prokurorisë: Nuk u hetua! Faktet duhet të kishin shkundur policinë e prokurorinë

2018/05/18 at 9:57 AM
në Aktualitet, Kryesore
Kohë leximi: 4 min
A A
Vdekja pa autor e Ardit Gjoklajt / Gjykata ia hedh topin prokurorisë: Nuk u hetua! Faktet duhet të kishin shkundur policinë e prokurorinë

Vdekja e Ardit Gjokljat në gusht të 2016 tronditi opinionin publik. Një adoleshent, 17 vjeç që punonte natën në landifillimin e Sharrës për të siguruar para për të blerë veshje e libra për vitin shkollor, u gjet i pajetë (trupi i dëmtuar). Shumë akuza publike u hodhën jo vetëm për firmën 3R që menaxhonte landfillin, por edhe për Bashkinë e Tiranës që kishte lidhur kontratë me këtë kompani.


Tashmë nuk është politika që akuzon Erion Veliajn dhe pronarin e 3R Edurim Teqja, por Gjykata e Tiranës që akuzon prokurorinë se nuk e hetoi si duhet këtë ngjarje.

Sot, pas dy vitesh gjithçka ka prëfunduar dhe askush nuk është në burg. Dy punëtorët e vetëm, të akuzuar nga prokuroria “për shkelje të rregullave në punë” kanë lënë tashmë burgun. Ndërsa, pronari dhe shefat e kompanisë nuk u hetuan fare.

Për lirimin e këtyre dy personave, Gjykata ia hedh topin Prokurorisë.

BIRN ka siguruar një kopje të vendimit të Gjykatës, ku thuhet se: Fadromisti Edmond Kallari u gjet fajtor për drejtimin e një fadrome pa ‘leje drejtimi’ dhe u dënua me 2 vjet heqje lirie; por për shkak se masa e dënimit kishte filluar një ditë pas aksidentit në landfillin e Sharrës, gjykata urdhëroi limirin e menjëhershëm. Po kështu është liruar edhe Hakrama që punonte si përgjegjës përgjegjës turni në Sharrë.

Trupa gjykuese e udhëhequr nga gjyqtari Gerd Hoxha, me anëtarë Petrit Çomo dhe Arben Micka e ka akuzuar Prokurorinë e Tiranës për hetime të paplota dhe selektive, duke theksuar se hetuesit nuk kanë arritur as të zbardhin saktësisht dinamikën e ngjarjes.

Asokohe, përveç fadromistit Edmond Kallari dhe përgjegjësit të turnit, Dëfrim Hakrama, policia arrestoi dhe 53-vjeçarin Besnik Braha – me detyrë përgjegjës firme si dhe 45 vjeçarin Bujar Daja – përgjegjës i punonjësve në landfill. Policia gjithashtu shpalli në kërkim pronarin e kompanisë ‘3R’, Edurim Teqja.

Megjithatë, pak muaj më vonë Prokuroria e Tiranës i pushoi hetimet ndaj Brahas dhe Dajës, ndërkohë Teqja nuk u procedua penalisht. Shmangia nga hetimi i drejtuesve të kompanisë nga Prokuroria është cilësuar si vendim selektiv nga ana e gjykatës.

Gjykata thotë se” me 3 shkurt 2017, Prokuroria e Tiranës ka pushuar hetimet ndaj Besnik Brahas duke argumentuar se ai nuk kishte detyrë kontrollin e respektimit të rregullave të sigurimit teknik që kishin të bënin me punën në landfill. “I njëjti argument duhet të shërbente edhe për Dëfrim Hakramën, i cili rezulton të ishte pa një kontratë pune dhe jo i ngarkuar nga kompania si përgjegjës teknik”, shprehet gjykata në vendim.

I pyetur nga BIRN, prokurori Julian Zonja tha se vendosi pushimin e hetimeve ndaj drejtuesit teknik të kompanisë “3R”, pasi nuk kishte asnjë dokument që e vërtetonte pozicionin e tij të punës, por ai shtoi se hetimet për kompaninë ende vijojnë.

“Nuk e vërtetonim dot punësimin e tij ndaj dhe u pushua çështja në ngarkim të tij. Por ne po vijojmë hetimet ndaj përgjegjësive që kompania “3R” kishte në landfill,” tha prokurori.

Për sa i përket rolit të fadromistit Kallari, Gjykata e Tiranës gjithashtu shprehet në vendimin e saj se jo vetëm prokuroria ka dështuar të provojë që ai është përgjegjës për vdekjen e Gjoklajt, po aq më tepër prokuroria ka qenë e paaftë të përcaktojë mekanizmin e ngjarjes.

Duke iu referuar provave të servirura gjatë procesit gjyqësor – si dëshmitë e punëtorëve, pamjet filmike dhe akteve të ekspertimit, gjykata thotë se nuk vërtetohet që fadromisti të jetë autori i vrasjes 17-vjeçarit.

“Edhe po t’i qëndrojmë pretendimit absurd të organit të akuzës se nuk është parë nga dëshmitarët, do të ishte kapur nga kamerat e sigurisë. E vërteta është se i akuzuari nuk ka punuar dhe nuk është afruar me mjetin e tij në vendin në të cilën është gjetur viktima,” shkruhet në vendim.

Gjykata në vendim e fshikullon prokurorinë se nuk ka bërë hetime të thellura për të zbardhur të vërtetën.

“Faktet duhet të kishin shkundur policinë dhe prokurorinë për të kryer hetime të thella dhe të specializuara me të gjitha metodat dhe format e lejuara ligjore,” shprehet trupa gjykuese.

I pyetur nga BIRN, prokurori Zonja u shpreh se edhe pse provat për vdekjen e Ardit Gjoklajt janë rrethanore, ato janë të mjaftueshme për vërtetimin e akuzave.

“Ne e dinim që nuk ishte e saktë koha dhe vendi i ngjarjeve, si dhe provat që kishim ishin rrethanore, por referuar deklarimeve është shumë e sigurt që viktima ka gjetur vdekjen në landfill,” tha ai.

“Është e vërtetë që provat shkencore nuk vërtetuan që vendi i ngjarjes të jetë pikërisht vendi ku u gjet viktima… por nisur nga indiciet dhe të dhënat rrethanore ne kemi bindjen se të akuzuarit janë përgjegjës për vdekjen e 17 vjeçarit,” shtoi Zonja.

Prokurori gjithashtu i tha BIRN se po vijojnë hetimet për përgjegjësitë e kompanisë “3R” në këtë ngjarje, por sa i përket bashkisë së Tiranës hetimet janë mbyllur.

“Ne po hetojmë përgjegjësitë që kompania kishte në zbatimin e kushteve të sigurisë teknike për punonjësit e saj në landfillin e Sharrës. Shpresojmë që shumë shpejt çështjen do ta çojmë në gjykatë,” tha Zonja.

“Bashkia e Tiranës kishte një kontratë që i kalonte përgjegjësitë kompanisë “3R”, kështu që deri më tani nuk na kanë dalë prova për implikimin e bashkisë,” përfundoi ai.



Ju sugjerojmë

Regjistrohen dy lëkundje tërmeti në Shqipëri
Aktualitet

Tërmet me magnitudë 4.1, ja ku ishte epiqendra. Zonat ku u ndjenë lëkundjet

27 Qershor, 2025 9:11 am
Ngjarja në Fushë-Krujë/Qëllohet me armë ndaj lokalit të ish-shoferit të Arjan Ndojës
Aktualitet

Fushë-Krujë, shpërthim me lëndë plasëse pranë një biznesi/Detajet e para nga ngjarja

27 Qershor, 2025 8:44 am
Parashikimi i motit, 27 korrik 2023
Aktualitet

Ditë me diell me temperatura deri në 38 gradë Celsius! Parashikimi i motit sot

27 Qershor, 2025 8:30 am
Horoskopi për ditën e sotme, 20 janar 2025
Aktualitet

Horoskopi për sot, 27 qershor 2025

27 Qershor, 2025 8:16 am
Çmimet e pronave në vend, Malaj dhe Shakohoxha debat në “Opinion”
-U tha në Opinion

Çmimet e pronave në vend, Malaj dhe Shakohoxha debat në “Opinion”

26 Qershor, 2025 10:01 pm
“Shoferi ishte me shpejtësi”, gazetari: I mituri ndodhet në intubim
-U tha në Opinion

“Shoferi ishte me shpejtësi”, gazetari: I mituri ndodhet në intubim

26 Qershor, 2025 9:50 pm
Qendër Shëndetësore brenda fushës sportive, çudia e projektit të radhës
Aktualitet

Qendër Shëndetësore brenda fushës sportive, çudia e projektit të radhës

26 Qershor, 2025 9:38 pm
Kontrata e transferta të sigurta?Hiqej si menaxher futbolli,merr 4600 euro e zhduket
Aktualitet

Kontrata e transferta të sigurta?Hiqej si menaxher futbolli,merr 4600 euro e zhduket

26 Qershor, 2025 9:13 pm
Mbërrin në Shëngjin anija me 15 emigrantë nga Italia
Aktualitet

Mbërrin në Shëngjin anija me 15 emigrantë nga Italia

26 Qershor, 2025 6:44 pm
Mungoi për 6 muaj në parlament, Rama shkon pak minuta në seancë
Kryesore

Mungoi për 6 muaj në parlament, Rama shkon pak minuta në seancë

26 Qershor, 2025 6:38 pm
Para
Ju kujtohet fustani që e shihnit në ngjyra të ndryshme, tani një video po çmend Instagramin!

Ju kujtohet fustani që e shihnit në ngjyra të ndryshme, tani një video po çmend Instagramin!

Luana Vjollca tallet publikisht në ditëlindjen e Marinës: “Mu rrit motra mu bë burrë”

Luana Vjollca tallet publikisht në ditëlindjen e Marinës: “Mu rrit motra mu bë burrë”

Rudy Giuliani: Ndaj presidentit nuk mund të ngrihen akuza, edhe nëse ka prova

Rudy Giuliani: Ndaj presidentit nuk mund të ngrihen akuza, edhe nëse ka prova
















TE FUNDIT

SHBA: 30 milionë dollarë për një organizatë ndihmash në Gazë

SHBA: 30 milionë dollarë për një organizatë ndihmash në Gazë
27 Qershor, 2025

SHBA-ja miratoi mbështetjen e parë të drejtpërdrejtë financiare për organizatën private të ndihmave humanitare GHF, e cila ofron ndihmë humanitare...

Lexo më shumë

BE pa sanksione të reja kundër Rusisë, zgjat ato në fuqi

BE pa sanksione të reja kundër Rusisë, zgjat ato në fuqi
27 Qershor, 2025

Samiti i BE-së në Bruksel përfundoi, por krerët e shteteve dhe qeverive nuk ranë dakord për gjithçka: Sanksionet kundër Rusisë...

Lexo më shumë

Tërmet me magnitudë 4.1, ja ku ishte epiqendra. Zonat ku u ndjenë lëkundjet

Regjistrohen dy lëkundje tërmeti në Shqipëri
27 Qershor, 2025

Ndihen sërish lëkundje sizmike në vend. Raportohet se lëkundjes kanë qenë me magnitudë, 4.1 të shkallës Rihter, me epiqendër 11...

Lexo më shumë

SHBA dhe Irani s’kanë caktuar ende periudhën e bisedimeve, por janë në kontakt

SHBA dhe Irani s’kanë caktuar ende periudhën e bisedimeve, por janë në kontakt
27 Qershor, 2025

Shtetet e Bashkuara dhe Irani janë duke mbajtur kontakte të vazhdueshme për rifillimin e bisedimeve mbi programin bërthamor të Teheranit,...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com