30-vjeçarja Migena Konçi nga Romanati i Durrësit ndodhet në spital prej një jave. Ajo humbi tragjikisht tre fëmijët e saj të mitur (trinjakë) në moshën 4 vjeçare, pasi zjarri përfshiu papritur banesën e tyre. Siç kanë dëshmuar të afërmit, Migena kishte shkuar tek shtëpia e vjehrrit, (disa metra më larg) për të dërguar dy vajzat e saj më të rritura ndërsa trinjakët i kishte lënë vetëm në shtëpi. Nga hetimet e para, dyshohet se fëmijët kanë ndezur një shkrepëse dhe më pas flakët janë përhapur me shpejtësi në banesë.
Prej një jave nëna e fëmijëve që patën fatin tragjik është e shtruar në urgjencën e spitalit të Durrësit. Fotoja është publikuar nga vëllai i saj i cili akuzon spitalin për kushtet e këqija. Duket qartë se Migena është mbuluar me xhupa pasi nuk ka batanije. Sakaq, i vëllai ankohet se prej gjendjes së shokut, 30 vjeçarja as nuk ha as nuk pi, por e mbajnë në jetë me serume.
Mesazhi i të vëllait për JOQ
Këtu është nëna e trinjakëve që vdiqën, jemi në urgjencën e Durrësit dhe e kemi mbuluar me xhupat e të afërmve dhe çarçafin e dyshekut e mora te shpia e saj, se asnjë nga këto k*rvat këtu s’kishte informacion ku ishin batanijet. Ndryshe nga sa është thënë, motra ime nuk ndodhet në komisariat se nuk është vrasëse. Migena nuk po ha bukë dhe vetëm me serume rron.
