Policia ka dhënë njoftim zyrtar lidhur me vdekjen e të riut që fillimisht shkoi në spitalin Rajonal të Lezhës i plagosur me armë zjarri.
Policia bën me dije se Amaros Deda në rrethana të paqarta është vetëplagosur me armë zjarri. Më pas ai ka ndërruar jetë në spitalin Rajonal Lezhë.
Është sekuestruar në cilësinë e provës materiale arma e zjarrit me të cilën dyshohet të jetë kryer vetëvrasja.
“Rreth orës 15:15, në rrethana ende të paqarta, dyshohet së është vetëplagosur me armë zjarri shtetasi, A.D., banues në Shënkoll, i cili ka ndërruar jetë në spitalin Rajonal Lezhë. Shërbimet e Policisë dhe grupi hetimor mënjëherë kanë shkuar në vendngjarje dhe po punojnë për sqarimin e plotë të shkakut dhe rrethanave të ngjarjes. Gjithashtu është sekuestruar në cilësinë e provës materiale arma e zjarrit me të cilën dyshohet të jetë kryer vetëvrasja“, tha policia e Lezhës.
Ndërkohë pamjet e mëposhtme vijnë nga vendi ku dyshohet se u vetëvra i riu Deda.
Nga pamjet duket qartë se në zonë ndodhen makina dhe efektivë të shumtë policie, të cilat kanë vijuar kontrollet. Gjithashtu në pamje shihen edhe të afërm të tronditur nga ngjarja e rëndë./Opinion.al
