Policia ka arrestuar përfaqësuesin e firmës ku punonte 40 vjeçari, i cili ndërroi jetë dje, si dhe janë shpallur në kërkim administratori dhe drejtuesja teknike e firmës.
Mësohet se në pranga ka rënë M. K., 37 vjeç, banues në Durrës, ai akuzohet se ka shkelur rregullat e mbrojtjes në punë, pasi nga verifikimet e kryera ka rezultuar se punëtori D. H., nuk ka qenë i siguruar dhe nuk ka patur kontratë pune me firmën e punimeve që i arrestuari përfaqësonte.
Ndërkohë, policia ka shpallur në kërkim administratorin dhe drejtuesen teknike të firmës që kryente punimet, ata akuzohen se nuk kishin marrë masa për zbatimin e rregullave të mbrojtjes në punë./ Opinion.al E.Xh.
