Është ndarë nga jeta mëngjesin e sotëm Papa Françesku!
Liderët botërorë kanë reaguar menjëherë pas lajmit të trishtë për largimin nga jeta në moshën 88-vjeçare të Atit të Shenjtë.
Kryeministrja italiane Giorgia Meloni thotë se “ky lajm na trishton thellësisht”.
“Kam pasur privilegjin të shijoj miqësinë e tij”, shtoi ajo në deklaratë.
Meloni “i kërkoi botës edhe një herë guximin për të ndryshuar drejtim, për të ndjekur një rrugë që ‘nuk shkatërron, por kultivon, riparon, mbron’”.
“Mësimi i tij dhe trashëgimia e tij nuk do të humbasin. Ne e përshëndesim Atin e Shenjtë me zemra plot trishtim, por e dimë se ai tani është në paqen e Zotit.”
Presidenti francez Emmanuel Macron i bëri homazhe Papa Françeskut, duke e quajtur atë një “njeri të përulur, në anën e më të cenuarve dhe më të brishtëve”.
Po ashtu edhe kryeministri i Spanjës, Pedro Sánchez përshëndeti angazhimin e Papa Françeskut ndaj “më të cenuarve”.
Përmes një postimi në platformën e mediave sociale X thotë:
”Unë vajtoj vdekjen e Papa Françeskut. Përkushtimi i tij për paqen, drejtësinë sociale dhe më të pambrojturit lë një trashëgimi të thellë. Pusho në paqe.”
