SHBA ka reaguar në lidhje me aksidentin ajror ku humbi jetën kreu i grupit Wanger, Yevgeny Prigozhin.
Një zëdhënës i Këshillit të Sigurisë Kombëtare të Shtëpisë së Bardhë tha se “askush nuk duhet të habitet” nëse konfirmohen raportet se Yevgeny Prigozhin ishte në bordin e aeroplanit të rrëzuar.
“Ne i kemi parë raportimet. Nëse konfirmohet, askush nuk duhet të habitet. Lufta katastrofike në Ukrainë çoi në marshimin e një ushtrie private drejt Moskës, dhe tani me sa duket në këtë”,-tha në një deklaratë zëdhënësja e këshillit, Adrienne Watson.
