Një vajzë 17-vjeçe është gjetur e pajetë në tualetin e shkollës në Fier. Ngjarja e rëndë ka ndodhur mesditën e sotme në një shkollë profesionale në qytetin e Fierit.
Mësohet se viktima është A. R 17 vjeçe e cila studionte për degën e dizanjit.
Burime nga policia thonë se në trupin e vajzës nuk janë konstatuar shenja dhune dhe dyshohet se vdekja mund të ketë ndodhur nga ndonjë helmim ose problem shëndetësor.
Panorama shkruan se shoqet e saj kanë treguar se vajza është shoqëruar në tualet nga ato, pasi më parë u kishte thënë atyre se nuk ndjehej mirë. E ndërsa adoleshentja ndodhej në tualet ata kanë qëndruar në korridor duke e pritur.
Por për një moment shoqet e saj kanë dëgjuar një zhurmë kur ajo ka rënë. Kanë hapur deren e tualetit dhe e kanë gjetur pa ndenja. Nga ana tjetër, vajzat, menjëherë kanë thirrur drejtuesit e shkollës për t’i ndihmuar.
