Ndarja nga jeta e deputetit dhe ish-kryeministrit, Bashkim Fino ka sjellë reagime në radhët e politikës.
Ish-Kryeministri Sali Berisha, përmes një statusi në rrjetet sociale shkruan se Covid-19 e ndau nga jeta para kohe Bashkim Finon, njërin prej presonaliteteve më të spikatura të Partisë Socialiste dhe qeverisjes së vendit.
Më tej, Berisha e cilëson Finon si një zë i moderuar në grupin drejtues ekstremist të PS.
“Miq, Covid-19 e ndau nga jeta para kohe Bashkim Finon, njërin prej personaliteteve më të spikatura të Partisë Socialiste dhe qeverisjes së vendit. Gjatë këtyre 30 viteve në politike, Bashkimi ka mbajtur detyra të rëndësishme nga kryetar bashkie i qytetit të tij të lindjes Gjirokastrës deri në kryeministër i qeverisë së pajtimit kombëtar në vitin 1997, e cila kishte si detyrë me kryesore përgatitjen e zgjedhjeve të parakohshme, detyre të cilën në vlerësimin tim ai e përmbushi në frymë bashkëpunimi dhe me përgjegjësi.
Pas atyre zgjedhjeve deri sot ai si deputet i PS dhe qeveritar i saj ka kryer detyra të rëndësishme duke qëndruar një zë i moderuar në grupin drejtues ekstremist të PS.
Duke shprehur ngushëllimet e mia më të ndjera familjes Fino për humbjen e pakompensueshme, unë i lutem Zotit që shpirti i Bashkimit të saj të dashur të gjejë paqen e merituar. Amin.” shkruan Berisha./Opinion.al
