Një protestë është zhvilluar sot nga shoqëria civile në kuadër të vdekjes së një 34-vjeçareje në maternitetin e Elbasanit disa orë pasi bëri një abort dhe gjithashtu për Mimoza Veizaj, e cila humbi jetën në maternitetin e Tiranës, pasi kishte lindur fëmijën e parë.
Këto ngjarje kanë sjellë reagime në opinionin publik. Ndërkohë në protestën e sotme, shoqëria civile theksoi se sistemi shëndetësor është në kolaps, ndërsa i ka bërë thirrje institucioneve që neglizhuesit të vendosen para drejtësisë.
“Çdo grua meriton shërbim me dinjitet. Të vihen përpara drejtësisë neglizhuesit e shëndetit të grave”, është shprehur një nga protestuesit./Opinion.al
