Për vdekjen e Ardit Gjoklajt në landifillin e Sharrës do të çohen para gjykatës vetëm dy punëtorë të kompanisë “3R”. Prokuroria e Tiranës ka mbyllur hetimet dhe ka kërkuar të dënohen përgjegjësi i turnit të kompanisë, Dëfrim Hakrama, si edhe fadromisti Edmond Kollari. Akuza ndaj tyre është shkelje e rregullave në punë. Nga kjo histori e rëndë duket se ia ka hedhur pronari i kompanisë Edurim Teqja i cili ishte edhe kryetar i PS-së në Peqin. Po kështu ia ka hedhur edhe Bashkia e Tiranës, për kontratën e dyshimtë që kishte me këtë kompani.
Sipas prokurorisë, ka rezultuar se 17 vjeçari Ardit Gjokljat, kishte plagë të shumta të shkaktuara nga mjete të tonazhit të rëndë. Ai punonte në landfillin e Sharrës prej një muaji (korrik-gusht 2016), aty ku subjekti “3R” sh.p.k ushtron aktivitetin e përpunimit dhe riciklimit të mbetjeve urbane në bazë të një akt-marreveshje me Bashkinë Tiranë.
Lexo më shumë për ngjarjen e rëndë të gushtit 2016:Vdekja e Arditit në Sharrë
