Një fëmijë 3-vjeçar humbi jetën në QSUT, pas ndërhyrjes që kishte bërë për dhëmbët në një klinikë private të mjekut stomatolog Roland Xhaxho.
Familjarët kanë rrëfyer se fëmija i është nënshtruar ndërhyrjes në klinikën dentare për 9 orë. Por, ai humbu jetën pas ndërhyrjes pasi ishte injektuar dozë e lartë e narkozës dhe për pasojë i ishte dëmtuar mëlçia, gjë që shkaktoi dhe vdekjen e tij.
Për ngjarjen e rëndë pati reagime të shumta të qytetarëve dhe personazheve publik. Një prej personazheve është dhe aktorja Eliona Pitarka.
Në një video në rrjetet sociale, Pitarka ka rrëfyer eksperiencën që kishte kaluar me nipin e saj pikërisht tek klinika dentare e mjekut Roland Xhaxho.
Aktorja rrëfen se pas ndërhyrjes nipit të saj iu desh 5 orë që t’i dilte narkoza.
“Para një viti kemi dërguar nipin tonë në atë klinikë. Pas narkozës që i ka aplikuar nipit tim për mbushjen e kësaj dhëmballe te kjo klinikë, iu desh 5 orë që të zgjohej. Pasi është zgjuar nipi kishte marrje mendsh, fliste përçart, ka vjellë. Dhe ajo klinikë asnjëherë nuk na u përgjigj në telefon për të na thënë nëse kjo ishte normale. Dhe pengu im më i madh është që nuk e bëra publike atë rast. Dhe them peng sepse kur i tregova rastin tim babait të 3 vjeçarit tha: “Ku ta dija unë se ku e çova djalin. Nëse do e dija nuk e kisha çuar”. Dhe ndjehem fajtore që nuk e bëra publik rastin”,-thotë ajo mes lotësh.
View this post on Instagram
