Është zbardhur akt-ekspertiza, e cila përcakton shkakun e vdekjes së 3 anëtarëve të familjes Haliti nga Gjilani.
Neës 24 raporton se nga këqyrja e trupit të viktimave nga ekspertët mjeko-ligjore bëhet me dije se shkak i vdekjes është helmimi.
Burime nga policia Durrës bënë me dije se mjekët ligjorë që kanë kryer ekspertizën kanë dalë në përfundim se vdekja është nga helmi i shkaktuar nga kërpudhat.
Ndërkohë njëkohësisht po kryhen edhe analizat e ushqimeve konkretisht të kërpudhave që janë gjetur të gatuara në shtëpi. Kujtojmë se Elfete, Afrim e Ferzinaze Haliti shfaqën shenja helmimi dhe u drejtuan për të marrë shërbim mjekësor në qendrën shëndetësore të Manzës, ndërsa më pas u dërguan me urgjencë në QSUT.
Por pavarësisht ndihmës mjekësore, 3 anëtarët e kësaj familje nuk mundën të jetonin. E para ndërroi jetë Elfete, nëna e Afrimit dhe më pas ky i fundit. E fundit që ndërroi jetë ishte Ferzinaze Haliti.
Lidhur me këtë ngjarje policia njoftoi ditën e djeshme se janë proceduar penalisht tre mjekët e Qendrës Shëndetësore të Manzës që mjekuan anëtarët e familjes Haliti./Opinion.al
