Mjeku infeksionist, Pëllumb Pipero ka folur ditën e sotme dhe për vdekjen e 27-vjeçares nga qyteti i Beratit e faktin që kjo nuk u raportua nga Ministria e Shëndetësisë.
I pyetur për arsyen Pipero tha se nuk është në dijeni të kësaj çështje, ndërsa shtoi se kishte informacion se viktima kishte pësuar dëmtime të mushkërisë.
“Me Covid-in pavarësisht moshës gjithçka është e mundur si në aspektin negativ ashtu dhe pozitiv. Në moshat e reja që humbasin edhe jetën bëhet një përgjigje joadekuate”, u shpreh ai.
Pyetje: Përse nuk është raportuar?
Pipero: Nuk e di është raportuar apo jo. U interesova për moshën dhe çfarë ka ndodhur dhe mora informacion që ka pasur prekje të madhe të mushkërive. Nuk kam informacion për ndjekjen e sëmundjes, jam fare i papërgatitur. Ajo i ka shërbyer prindërve dhe mundësia më e madhe është që ka qenë e prekur me Covid.
Pyetje: Mund të ndodhë që një pacient të humbasë jetën në spitalin Infektiv dhe të mos skedohet?
Pipero: Unë jam pyetur që në fillim dhe them që institucionet në vende të ndryshme në kanë përqasje të ndryshme.
Pyetje: Në qoftë se viktimat janë me tampon negativ si i deklaroni në skedën e vdekjes?
Pipero: Sëmundja është Covid, shkaku mund të jenë probleme të shumta apo një arrest kardiak./Opinion.al
