Ngjarja e rëndë që u raportua sot në Bulqizë, ku një 22-vjeçar humbi jetën si pasojë e një goditjeje me armë zjarri mund të ketë një tjetër dinamikë.
Sipas njoftimit të policisë, Elidon Basha dyshohet të jetë qëllua gabimisht nga shoku i tij Klodian Kola me të cilin kishin dalë për gjueti.
Por 27-vjeçari Kola e ka mohuar këtë skenar në polici. Sipas burimeve të ABC News, ai ka deklaruar se nuk e ka qëlluar Elidon Bashën dhe se ky i fundit është qëlluar nga persona të tjerë.
Nëse dëshmia e Kolës vërtetohet atëherë ngjarja merr një tjetër rrjedhë pasi do të kemi të bëjmë me një vrasje me paramendim. Megjithatë, Elidon Basha mbrëmjen e djeshme nuk ndërroi jetë pasi u qëllua me armë zjarri. Kjo i shkaktoi atij plagë dhe humbje gjaku.
Rreth orës 23:00 ai ka marrë ndihmën e parë në spitalin e Bulqizës por duke qenë se aty nuk ka kirurg është transportuar në spitalin e Peshkopisë. Gjendja e të riut është përkeqësuar dhe për këtë arsye ai është dërguar me urgjencë për në Tiranë por fatkeqësisht ka ndërruar jetës rrugës. /Opinion.al
