“Ashensori u prish në katin e tretë, dhe unë u detyrova të hidhesha. Por kur pashë që pas meje ishte një fëmijë, që rrinte varur, shkova ta ndihmoja, por s’ja dola dot.”. Kështu rrëfen punonjësi i fabrikës së këpucëve, ku humbi jetën dje tragjikisht një 15vjeçar në Shkozet.\
Bardhul Duzha tregon për ‘News24’ momentet e tmerrit që përjetoi në çastin kur u detyrua që të hidhej, për në bazamentin e katit të tretë dhe tentativën e tij, e cila rezultoi e dështuar për të shpëtuar të miturin Klodian Lala. “Ishim duke punuar që në 8 të mëngjesit, deri pasdite.
Po merrnim materialet, ato stolat. Në momentin e fundit, ikën ashensorit lart. Shkoj në katin e tretë, por nuk punonte. U hodha te bazamenti i sheshpushimit. Kur ktheva kokën pas që ishte një fëmijë pas. Ishte varur tek ashensori, shkoj ta kap, por ramë të dy brenda në gropë. Unë fatmirësisht shpëtova, por djali jo. Nuk e kisha parë ndonjëherë, ndoshta aty punonte nëna e tij.
Ne po lëviznim prej atij vendi ku punonim.”, pohon Duzha. Ngjarja Ngjarja, ku humbi jetën 15 vjecari Klodian Lala dhe u plagos një punëtor, ndodhi në një ndërtesë trekatëshe në Shkozet, një repart prodhimi këpucësh i një firme italiane. Djali kishte shkuar për të pritur nënën e tij, e cila punon si sanitare në dy katet e para të ndërtesës. Djali dhe punonjësi u rrëzuan nga ashensori dhe ranë në gropën e tij nga një lartësi 6 metra, ku për pasojë ai gjeti vdekjen, burri u plagos.
