Kriza në pikën kufitare të Kakavijës shënoi edhe një viktimë. Dy ditë më parë, një 10-vjeçar humbi jetë pasi u përplas nga një ambulancë teksa priste me familjen e tij në radhë për të shkuar në Greqi.
Kryeministri Rama sot ka njoftuar se qeveria ka vendosur të ndihmojë familjen e të miturit me 500 mijë lekë të reja.
“Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjera. Engjëlli i vogël u dhëntë forcë”, shkruan Rama në Twitter. /Opinion.al
