Dy pjesëtarë të Policisë së Kosovës kanë pësuar një aksident të rëndë mbrëmë në Kaçanik, pasi kanë rënë me veturë nga ura mbi lumin Lepenc, prej një lartësie rreth 150 metra.
Dy policët nga Kaçaniku që po kërkohen janë Malësor Dashi dhe Armend Trena. Gazetat kosovare njoftojnë se Malësor Dashi kishte pak kohë që ishte fejuar me të dashuren e tij, B.SH, më saktë në muajin gusht të vitit 2017.
Malësori i cili vjen nga qyteti i Ferizajit, ku edhe jeton, ka përfunduar studimet në Kolegjin AAB, në Prishtinë.
Metro ka sjelle edhe dy fotot e policëve të zhdukur, ndërkohë që autoritet kosovare janë ende në kërkim të trupave.
Ndërsa makina ka arritur të nxirret nga lumi Lepenc, trupat e dy policëve nuk janë gjetur brenda saj.
Mendohet se kërkimet do të shtyhen edhe në rrjedhën e lumit drejt Maqedonisë.
