Një ngjarje e rëndë ka ndodhur në fshatin Toplane në Vaun e Dejës. Një 50-vjeçar ka kërcënuar se do të vrasë me sëpatë dhe thikë bashkëshorten dhe 4 fëmijët e tyre të mitur.
Pas marrjes së njoftimit, mbrëmjen e djeshme, policia ka shkuar në banesën e tyre, dhe ka parandaluar ngjarjen e rëndë.
Gjithashtu, janë sekuestruar në cilësinë e provës materiale, sëpata dhe thika, me të cilat i arrestuari kanoste për jetën, bashkëshorten dhe fëmijët.
Njoftimi i policisë
Dhunoi bashkëshorten dhe 4 fëmijët e tyre të mitur, si dhe i kanosi ata për jetën, me mjete prerëse, kapet në flagrancë dhe vihet në pranga 50-vjeçari.
Sekuestrohen 2 mjete prerëse (sëpatë dhe thikë).
Pas marrjes së njoftimit, mbrëmjen e djeshme, se një shtetas dhunonte dhe kanoste, bashkëshorten dhe 4 fëmijët e mitur, në banesën e tyre, në fshatin Toplane, shërbimet e Komisariatit të Policisë Vau i Dejës kanë organizuar punën dhe kanë shkuar në vendngjarje.
Gjithashtu, janë sekuestruar në cilësinë e provës materiale, 2 mjete prerëse (sëpatë dhe thikë), me të cilat i arrestuari kanoste për jetën, bashkëshorten dhe fëmijët.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
