Prej disa ditësh autoritetet në Shqipëri vijojnë punën për shuarjen e vatrave ta zjarrit të aktivizuara në disa qarqe.
Sipas informacioneve, në Voskopojë u shfaq një vatër e re zjarri në zonën midis Krushovës dhe Shipskës.
Ndërhyrja nga ajri përgjatë pasdites së djeshme ishte e pamundur për shkak të tymit dhe erës, për të rinisur vetëm mëngjesin e kësaj të hëne.
Zjarri ka qenë i përmasave të mëdha, duke shkrumbuar pishat, disa prej tyre pothuajse shekullore. Në Jug të vendit zjarret janë ende aktive në Dukat dhe Qafën e Llogarasë, ndërkohë një vatër tjetër ka nisur në Selenicë.
Nga Voskopoja, ministri i Mbrojtjes, Niko Peleshi, tha se zjarri ishte i qëllimshëm, ndërsa njoftoi se ka nisur aksioni në të gjithë vendin për arrestimin e të dyshuarve si zjarrëvënës./ Opinion.al
