Vatikani ka publikuar mëngjesin e sotëm fotot e Papa Françeskut në arkivolin e tij.
Arkivoli i Papës do të dërgohet në Bazilikën e Shën Pjetrit, ku mund të shihet edhe nga publiku.
Kreu i përkohshëm i kishës dhe tre ndihmës do të sigurohen që “Unaza e Peshkatarit” dhe vula papale të thyhen, në mënyrë që të mos përdoren nga askush tjetër.
Ndërkohë siç raportojnë mediat e huaja, kardinalët po takohen këtë mëngjes në Vatikan për të vendosur mbi datën e funeralit të Papa Françeskut.
Sipas zakonit të kishës, ajo zakonisht duhet të mbahet brenda katër deri në gjashtë ditë pas vdekjes së papës – me meshën funerale që zhvillohet në Sheshin e Shën Pjetrit.
Papa Françesku do të jetë Papa i parë në më shumë se një shekull që nuk do të varroset në Vatikan, në kriptin e Bazilikës së Shën Pjetrit – në vend të kësaj vendos të prehet në Bazilikën e Shën Marisë Major të Romës, pranë ikonës së tij të preferuar të Madonës.
Ai kërkoi gjithashtu që të varrosej në një arkivol të thjeshtë prej druri, ndryshe nga paraardhësit e tij që u varrosën në tre arkivole tradicionale të foleve të bëra nga selvi, plumbi dhe lisi.
