Dy hektarë shkurre dhe ullinj janë djegur në pranë ish-Uzines së baterive në lagjen “Uznovë” në Berat.
Mësohet se zjarri është vënë nga vetë banorët për të djegur mbeturinat, por ka dalë nga kontrolli dhe ka marrë përmasa të mëdha.
Për shkak të erës zjarri është përhapur në sipërfaqe të madhe toke, duke rrezikuar dhe disa banesa që ndodheshin pranë.
Zjarrfikësit mbërritën në vendin e ngjarjes dhe mund të vinin flakët nënkontroll. Policia po punon për identifikimin dhe gjetjen e autorit të zjarrit të qëllimshëm.
