13 persona të infektuar me Covid-19 janë zbuluar në 24 orët e fundit në një institucion të vuajtjes së dënimit në Tiranë.
Nuk dihet ende nëse të infektuarit janë të gjithë të burgosur, apo nëse ka mes tyre dhe staf të burgut.
Lajmi u bë me dije nga Ministria e Shëndetësisë në përditësimin e situatës së koronavirusit në vend.
Nga rastet e reja të 24 orëve të fundit, harta zgjerohet me 20 raste në Tiranë, 7 raste pozitivë në Krujë dhe 2 raste në Shkodër.
Ministria njofton se edhe pse ka një rritje të numrit të rasteve sot, ato janë të lokalizuara në dy vatra që po monitorohen nga epidemiologët në terren./Opinion.al
