Kreu i grupit të LSI, Petrit Vasili ka dalë në një konferencë për mediat për të sqaruar se çfarë ka ndodhur sot në mbeldhjen e Konferencës së Kryetarëve. Mbledhja ishte thirrur për të diskutuar mbi pr/buxhetin e vitit 2018 dhe opozita u largua në mënyrë demonstrative.
Vasili tha se nuk është bojkot opozitar por një revoltë për atë ç’ka na vjen në tavolinë. Ai paraqiti draftin para kamerave duke thënë se “ky dokument nuk mban firmën e kryeministrit”.
Vasili në konferencë
“Opozita nuk mund të vazhdonte të ishte pjesë për arsye politike madhore pasi ky shtet është i kapur, është njësh me trafikun e drogës por ka edhe një arsye themelore: Ky Kryeministër s’ka të bëjë me interesat e qytetarëve.
Dokumenti kryesor i qeverisë (pr/buxheti) na erdhi sot pa firmën e Edi Ramës. Ky është bojkotuesi më i madh. Pse do të shkojmë ne në mbledhje ti bëjmë fresk Qeverisë?
Do të diskutojmë mbi projektbuxhetin kur të na paraqitet me firmën e Kryeministrit”, vijoi ai.
Ndërsa kreun e grupit të PS, Taulant Ballën, Vasili e quajti një njeri qesharak dhe të telekomanduar nga Rama që përhapi lajmin se LSI bojkoi pa arsye mbledhjen, duke ndjekur nga pas PD-në.
/Opinion.al
