Nënkryetari i Lëvizjes Socialiste për Integrim, Petrit Vasili ka akuzuar qeverinë se po ushtron presion mbi inspektorët e procesit teknik te verifikimit te ndërtesave të dëmtuara nga tërmeti.
Sipas Vasilit, ka inspektime kontradiktore në të njëjtën godinë në një kohë të shkurtër dhe kjo sipas tij tregon se procesi është sipërfaqësor.
“Shpesh çorganizimi i qeverise dhe demagogjia e saj për gjoja marrjen e situatës nen kontroll ka bere qe ne terren te shfaqet një papërgjegjshmëri me potencial vrastar.
Kjo shfaqet ne raportet teknike te kundërta brenda një kohë të shkurtër,verifikime te sipërfaqshme dhe si te tilla aspak garantuese,por përkundrazi çorientuese, te cilat nuk kane kursyer as shkollat dhe spitalet.”, shkruan Vasili.
Kjo rrezikon jetët e qytetarëve thotë ai duke nënvizuar nevojën për të kryer inspektimet në mënyrë sa më të thelluar për të hequr çdo dyshim.
Në postimin e tij në Facebook, Vasili ka postuar edhe dy foto të akteve të inspektimit të shkollës “Emin Duraku” dhe “Faik Konica” në Tiranë ku përfundimet janë jo të njëjta. /Opinion.al
