Numri 2 i LSI Petrit Vasili ka reaguar sot ndaj deklaratës së Kryeministrit Rama se do të kryejë reforma në Tatime e Dogana pasi inspektorët kanë marrë rryshfete nga bizneset. Po kështu ai ofendoi edhe agjentët doganorë, pasi sipas tij mbajnë xhinse dhe çanta me rrip, madje njoftoi mbylljen e agjencive. Ndër të tjera Rama tha shyqyr që populli na e dha mandatin të plotë të kryejmë refoma se ndryshe do ishim akuzuar se po i biem në qafë komshinjve (pra LSI).
I menjëhershëm ka qenë reagimi i Vasilit i cili thotë se Doganat dhe Tatimet i ka patur PS-ja edhe në mandatin e parë dhe askush nuk e ka ndaluar Ramën për reforma. Ai e quan kryeministrin njeri karagjoz që tregon barsaleta.
Statusi në facebook i Vasilit
Kryeministri-barcaletë u flet inspektorëve për veshjen…
Ky shkollëpakti paska hallin e veshjes së inspektorëve. Humor që të gajas…
Ky për vete bën lajm kur vete nëpër bote i veshur si damlla dhe për këtë është bërë njeriu-barcaletë botërore, po për të kjo është normale, bile është edhe qejf i madh, megjithëse Shqipërisë i nxihet faqja për shkak të këtij.
1. Këtë standard karagjozësh dhe shteti karagjoz ka vendosur pa kthim po vetë ky njeriu-barcaletë, ndaj çfarë u kërkon të tjerëve?
2. Sa për përgjegjësinë për biznesin e ka të gjithën po ai, pasi po vetë e ka pasur timonin dhe tepsinë e tatimeve, doganave e gjithçka dhe po ai, duke i përdorur ato, dhunoi bizneset dhe u shkatërroi besimin e tyre.
Lajmërojeni shkollëpakun që i ka pasur vetë tatimet, doganat etj. Pasi ky s’di gjë dhe bëhet qesharak në llafazanërinë e tij ambulante.
