Nënkryetari i LSI, Petrit Vasili u shpreh se raportet PD- LSI një vit para zgjedhjeve parlamentare janë si asnjëherë më parë.
Në një intervistë në News24, Vasili u shpreh se kësaj radhe opozita ka qenë një ‘’Dream Team’’ teksa zbulon se gjatë kësaj kohe ka pasur telefonata intensive me Bashën dhe Kryemadhin.
Po ashtu ai theksoi se nuk ka pasur asnjë bisedë me Ilir Metën gjatë kohës së Reformës Zgjedhore.
”Zero kontakte me Ilir Metën. Me Bashën dhe Kryemadhin kam pasur kontakte intensive. Në Bruksel dhe kudo e kanë shumë të qartë se kush ishte i bindur për të mbyllur reformën dhe jo, kush ishte i gëzuar që kjo po ndodhte dhe kush jo, si dhe pretendimet e opozitës. Nuk ka pasur ndonjëherë ditë të këqija, por ditë më të mira se sot nuk ka pasur. Perfekt Kryemadhi- Basha. Me të gjithë liderat e opozitës, ka funksionuar si kurrë më parë si skuadër, ku më së mirë të gjithë kanë luajtur rolin e tyre. Opozita funksionoi si Dream- Team.”- tha Vasili./Opinion.al
