Kryeministri Edi Rama gjatë një takimi me ambasadorët, foli për rëndësinë e tërheqjes së investitorëve të huaj në sektorët e ndryshëm prioritarë të ekonomisë, por me sa duket një deklaratë e tillë ka nxitur edhe reagimin e Lëvizjes Socialiste për Integrim.
Ka qenë kreu i Grupit Parlamentar, Petrit Vasili, i cili nëpërmjet një postim në rrjetin social Facebook, është shprehu se fjalimi i kryeministrit Edi Rama në takim më ambasadorët ishte shumë qesharak, pasi krimi në krye të qeverise largon dhe përzë investimet e huaja.
Më herët ka reaguar dhe kryetari i Partisë Demokratike, Lulzim Basha i cili tha se ajo që Rama u kërkoi diplomatëve është misonin i pamundur.
Reagimi i plotë:
Krimi në krye të qeverisë largon dhe përzë investimet e huaja.
Që droga dhe krimi i organizuar janë ulur këmbëkryq ne Shqipëri e thotë BE,SHBA,OSBE dhe gjithë media botërore.
Kur e thotë opozita shqiptare sipas kryeministrit dhe ca e ca të tjerëve, që i rrijnë nga pas është faj, gabim, herezi.
Po po, droga dhe krimi i bërë njësh me pushtetin po e shkatërrojnë vendin.
Përgjegjësia ka vetëm një emër që është kryetrafikanti, që urdhëroi të pengohej drejtësia për ish ministrin e akuzuar nga Europa. Edhe për këtë e gjithë Europa po flet.
Ndaj largohen investimet e huaja, sepse pushteti i grabit me taksa e ryshfete pa fund, ndërsa krimi i mbështetur nga qeveria i rreh dhe i gjymton.
Fjalimet e kryeministrit për diplomaci ekonomike janë humor ku qeshin e gëzojnë trafikantet dhe qajnë e hidhërohen shqiptaret.
