Gjykata Speciale e Kosovës në Hagë ka thirrur për të marrë në pyetje disa prej ish-luftëtarëve dhe komandantëve të Ushtrisë Çlirimtare të Kosovës.
Zyrtari i fundit që ka bërë të ditur se i ka ardhur ftesë për tu paraqitur është Ish zëdhënësi i Ushtrisë Çlirimtare të Kosovës, Jakup Krasniqi.
Ish-deputeti i LSI Petrit Vasili ka ironizuar këto ftesa përmes një statusi në Facebook duke thënë se tani pret të thërrasin edhe Edita Tahirin, ish-kryenegociatoren për dialogun Kosovë-Serbi në Bruksel. Për Vasilin e gjithë kjo bëhet sepse këta individë kanë kundërshtuar idenë e shkëmbimit të territoreve. Duke qenë se zonja Tahiri është shprehur shpesh herë kundra kësaj ideje, numri dy i LSI thotë se tashmë mund të thërritet edhe ajo.
“Po Edita Tahirin kur do ta therrasin?
Ramushin e therrasin ne tribunalin e Hages,Jakup Krasniqin po ashtu.
Ata kane kundershtuar pa asnje kompromis,me shume patrotizem dhe me gjithe zemer ndryshimin e kufijve te Kosoves me Serbine.
Po Edita Tahirin kur do ta therrasin, sepse edhe ajo ka kundershtuar me shume force ndryshimin e kufijve” shkruan Petrit Vasili. /Opinion.al
