Pas përfundimit të mbledhjes së Këshillit Politik pas 2 orësh, Oerd Bylybashi dhe Petrit Vasili u shprehën se nëse listat duhet të hapen, hapja duhet të jetë 100% por koalicionet dhe shpërndarja e mandateve nuk duhet të ndryshojnë.
“Dashuria e Ramës për listat e hapura, është një farsë. Është një justifikim në funksion që të ndryshojë rregullat e garës për kundërshtarët. Gjiknuri refuzoi propozimin dhe modelet tona si Belgjika. Holanda, Danimarka, Italia. etjerë. Modele të vendeve nga është marrë, dhe ka funksionuar për 17 vite. E gjithë kjo përpjekje është për të vrarë mundësinë e partive politike për të garuar në liri të plotë. Presim që mazhoranca të reflektojë. Duhet trajtuar me transparencë dhe të mos cënojë 5 Qershorin.”, u shpreh Bylykbashi.
Sakaq, nënkryetari i LSI-së, Petrit Vasili u shpreh se qëndrimet e maxhorancës për listat e hapura janë farsë dhe vetëm për të zhdukur koalicionet parazgjedhore.
Në një prononcim për mediat Vasili u theksoi se Damian Gjiknuri i kishte kërkuar opozitës që të mblidhte 28 vota në Kuvend për të arritur ndryshimet kushtetuese.
“Dua të ndaj me ju qartë dhe prerë se çfarë bëri PS në Këshillin Politik. Qartësoi për opinionin publik se çështja e listave të hapura, zelli për të folur për to, ishin thjesht një farsë. Një alibi që vjen erë të qelbur. Kishte të bënte me heqjen e koalicioneve në kushtetutën e Shqipërisë. Propozimi është i qartë, iu thamë dakord që listat e mbyllura të bëhen të hapura. Sot pati një pozicion. Jo absolute. Gjiknuri që në fillim të mbledhjes, propozoi që ne të mblidhnim 28 firma tek deputetët e opozitës. 5 qershori u dakordësua dhe me firma. S’jemi ne që mbledhim firma. Për ndryshimin e kushtetueses na u sugjerua mbledhja e 28 firmave. Opozita ka qenë e qartë. Të thuash që unë dua 28 firma, do të thotë se unë nuk diskutoj. Ishte vetëm për ti bërë fresk Edi Ramës për të hequr koalicionet. Është e qartë se ky propozim është i rëndë për maxhorancën. Ky propozim i është bërë i njohur partnerëve ndërkombëtarë, për të kuptuar se këtu është një person si Rama që zgjedhjet si fiton, por i shkatërron.”, pohoi Vasili.
