Nënkryetari i Lëvizjes Socialiste për Intergrim, Petrit Vasili ka kritikuar ambasadorin e OSBE, në Tiranë, Bernd Borchard për organizimin e tryezës për Reformën Zgjedhore.
Lexo edhe: Marrëveshja për “Zgjedhoren”, Gjiknuri jep detaje nga tryeza e OSBE-së
Sipas Vasilit, ambasadori Borchard nuk ka respektuar marrëveshjen për dialog mes palëve duke ftuar në tryezë vetëm njërën palë.
“Borchard organizon tryezë me ambasadorët për reformën zgjedhore dhe fton vetëm njërën palë, Gjiknuri dhe Hajdari, dhe çuditërisht flet për dialogun”, shkruan Vasili.
Ai risjell në vëmendje Këshillin Politik të krijuar nga marrëveshja mes palëve dhe nënvizon se ky instrument dialogu është realitet ndonëse sipas tij nuk i pëlqen ambasadorit të OSBE-së.
Vasili hedh akuza të rënda ndaj Borchard duke thënë se qëndrimet e tij janë të njëanshme, konfliktuale dhe përçarëse.
Statusi i plotë i Petrit Vasilit
Borchard serish kunder dialogut!
Borchard organizon tryeze me ambasadoret per reformen zgjedhore dhe fton vetem njeren pale, Gjiknuri dhe Hajdari, dhe cuditerisht flet per dialogun.
Interesant vertet!!
Me sa duket askush nuk e ka informuar se eshte krijuar Keshilli Politik per Reformen Zgjedhore me paritet perfaqsimi te te dy paleve.
Si duket atij ky Keshill Politik,me kater perfaqesues 2 nga seicila pale si instrument dialogu nuk i pelqen dhe nuk e do.
Dialogu permes Keshillit Politik nuk eshte dogme eshte realitet, eshte veprim eshte fakt dhe si i tille nuk mund te diskutohet nga kerkush.
Borchard çfaqet serish recidivant ne qendrimet e tij te njeanshme,konfliktuale dhe perçarese, qe e minojne dialogun e ndertuar me shume mundim. /Opinion.al
