Petrit Vasili ka dënuar sot përmes një statusi në Facebook heshtjen e ambasadave ndaj korrupsionit dhe dëmtimit të demokracisë.
Gjatë deklaratave të tyre ambasadat sipas Vasilit nuk kanë adresuar asnjëherë problemet kryesore si korrupsioni, kapja e shtetit dhe rikthimi i një regjimi monist.
Këto probleme sipas tij po pengojnë perspektivën evropiane të Shqipërisë. Ai mandej përmend edhe reformën në drejtësi, për të cilën ambasadorët duhet të interesohen më shumë duke qenë se ajo është financuar me taksat e qytetarëve të vendeve të tyre.
Kështu që sipas ish deputetit të LSI, ajo që thonë ambasadorët pothuajse çdo ditë kur ne i dëgjojmë, janë dogma dhe didaskali. Memecëria e tyre ndaj problemeve të mësipërme i hap edhe më shumë plagët e qeverisjes në vend që ti shërojë ato. /Opinion.al
