Varrimi i ushtarakut ukrainas është kthyer në tragjedi. Ushtaraku ra në krye të detyrës teksa mbronte vendin e tij, por funerali i tij u kthye në një masakër.
Rusia ndërmori një sulm me raketa duke lënë të vrarë 51 persona në fshatin ukrainas Hroza. Mes viktimave ishte edhe një fëmijë 6-vjeçar.
Kjo është masakra më e rëndë e shkaktuar nga lufta në rajonin e Kharkiv. Sipas burimeve mediave të huaja, në qytetin afër Kupiansk nuk ka objektiva ushtarake në zonë dhe as nuk ka pasur ushtarë të pranishëm.
Ministria e Mbrojtjes e Ukrainës fajësoi Rusinë për sulmin dhe tha se nuk kishte objektiva ushtarakë në zonë. Rusia nuk e ka komentuar drejtpërdrejt sulmin. Ushtari ishte varrosur më parë në Dnipro, por të afërmit e tij thanë se donin ta rivarrosnin në fshatin e tij të lindjes.
