Brazili, një vend që ndan kufij me pothuajse çdo komb tjetër në Amerikën e Jugut, ka raportuar më shumë se 70,000 raste dhe më shumë se 5,000 vdekje, sipas shifrave të qeverisë dhe një raport nga Universiteti Johns Hopkins, shumë më tepër se çdo nga fqinjët e tij . Numri i vërtetë i vdekjeve dhe infeksioneve besohet të jetë shumë më i lartë për shkak të testimit të kufizuar.
Kufijtë e vendit mbeten të hapura, nuk ka praktikisht asnjë karantinë apo shtetrrethim dhe presidenti Jair Bolsonaro vazhdon të tallet me seriozitetin e sëmundjes.
Vendi me 211 milion njerëz, kaloi edhe Kinën në numrin zyrtar të vdekjeve nga Covid-19 këtë javë, kurse Bolsonaro u shpreh : ‘Edhe çfarë?’
‘Më vjen keq’, u tha presidenti disa gazetarëve. ‘Çfarë doni që të bëj unë?’
Vdekjet nga shpërthimi i koronavirusit kanë arritur shifra të larta në Amazonë aq shpejt, sa që varrezat kryesore po varrosin pesë arkivole në të njëjtën kohë, në varre kolektive.
Në Manaus, kryeqyteti i Amazonës, që është i arritshëm vetëm me aeroplan ose varkë nga pjesa tjetër e Brazilit, trupat po grumbullohen në pajisje frigoriferike të improvizuara: si frigorifer morgu, teksa presin varrosjen. Punonjësit në Manaus varrosën arkivole njëra sipër tjetrës këtë javë, por qyteti ndaloi këtë praktikë, pasi të afërmit e pikëlluar protestuan.
Zyra e kryetarit të bashkisë tha se sistemi i varrimit të qytetit po shembej dhe po mbaroheshin arkivolet./Opinion.al
