Varianti i ri Covid-19, me origjinë nga Anglia juglindore, është konfirmuar në Danimarkë, Holandë dhe deri në Australi.
Lajmi është bërë i ditur ditën e sotme nga udhëheqësja teknike e Organizatës Botërore të Shëndetit, Maria Van Kerkhove.
“Ky variant është identifikuar në Danimarkë, në Holandë dhe kishte një rast edhe në Australi”, tha ajo për BBC.
“Është shqetësuese që virusi po përhapet dhe se ka kaq shumë mutacione. Ne e kuptojmë që nuk shkakton sëmundje më të rëndë nga informacioni paraprak që Mbretëria e Bashkuar ndau me ne, por ende po bëhen studime tek pacientët e shtruar në spital me këtë variant.”, shtoi ekspertja.
Sipas ekspertes, së më shumë përhapet ky virus, aq më shumë mundësi ka ai për të ndryshuar.
“Sa më gjatë që përhapet ky virus, aq më shumë mundësi ka për të ndryshuar. Pra, ne me të vërtetë duhet të bëjmë gjithçka që mundemi tani për të parandaluar përhapjen, “shtoi ajo.
Kujtojmë që disa shtete europian i ka mbyllur fluturimet me Anglinë. Megjithatë një tjetër rast është identifikur edhe në Itali me këtë lloj variant të ri të COVID-19./Opinion.al
