Ministrja e Shëndetësisë, Ogerta Manastirliu është shprehur se Shqipëria do të pezullojë fluturimet nga data 22 dhjetor deri më 6 janar me Britaninë e Madhe.
Po ashtu, ministrja tha se të gjithë personat që hyjnë në Shqipëri nga Britania e Madhe do të karantinoren për 14 ditë.
“Nisur nga rekomandimet e eksperteve, për të kufizuar më tej riskun e përhapjes e riskun e lartë të transmetimit shkaktuar nga varianti ri, kemi vendosur pezullimin e fluturimeve me Britaninë e Madhe nga ora 6 e ditës së martë 22 dhjetor deri në 6 janar. Po ashtu vendoset masa e karantinës së detyrueshme 14 ditë për qytetaret që vijnë nga Britania e Madhe nga rrugë të tjera, si rrugë tokësore”,-tha Ministrja.
Këto masa vijë pas zbulimit të variantit të ri të COVID-19, gjë e cila ka bërë që shumë shtete në botë të ndërpresin fluturimet me Britaninë./Opinion.al
