Një numër vendesh evropiane kanë ndaluar ose po konsiderojnë të ndalojnë udhëtimin me Mbretërinë e Bashkuar.
Shkak është bërë një variant më infektiv i koronavirusit, i cili duket se po gjen përhapje të madhe në Britani.
Mes këtyre shteteve që kanë pezulluar fluturimet, sipas BBC, është Holanda dhe Belgjika. Trenat për në Belgjikë gjithashtu janë ndaluar dhe nuk funksionojnë.
Ndërkohë edhe ministri i jashtëm italian ka paralajmëruar një ndalim të fluturimeve drejt Britanisë. Gjithashtu Franca dhe Gjermania thuhet se po planifikojnë të njëjtin veprim. Vendime të tilla vijnë pasi një variant i ri i koronavirusit është përhapur në Londër dhe Angli Jug-Lindore.
Duket se masa strikte ka marrë dhe vetë Mbretëria e Bashkuar. Kryeministri Boris Johnson prezantoi të shtunën një nivel të ri të kufizimeve me strikt, duke hequr zbutjen e planifikuar të rregullave gjatë periudhës së Krishtlindjes e Vitit të Ri për miliona njerëz./Opinion.al
