Komiteti Teknik i Ekspertëve ka konfirmuar ditën e sotme prezencën e variantit “Delta” në Shqipëri dhe ka konfirmuar se mbrojtja e të gjithë popullësisë do të vijojë po njësoj me masat që janë në fuqi, teksa kanë apeluar fortë për vaksinimin dhe respektimin e masave.
Zv. ministrja e Shëndetësisë, Mira Rakacolli theksoi gjatë fjaës së saj se situata në vend aktualisht është e qëndrueshme.
“Siç u bë i qartë, u vu re që ka një numër në rritje të rasteve. Shtrimi në spital mbetet në nivele të qëndrueshme, ajo çka është më e rëndësishme është që numri i rasteve të shtruara të sëmurëve rëndë, janë persona që s’janë vaksinuar. Rastet po rriten në komunitetin që mbeten të pavaksinuar.
Duke u mbështetur në këtë situatë, Komiteti Teknik mendon që edhe pse në Shqipëri është vërtetuar prezenca e variantit Delta mbrojtja është njësoj dhe niveli i masave nuk ndryshojnë. Masat do të jenë po të njëjta”, tha Rakacolli./Opinion.al
