Komisionerin për Zgjerim të BE, Oliver Varhelyi është ditën e sotme në Shqipëri teksa po mban një konferencë të përbashkët me kryeministrin Edi Rama.
Takim është organizuar ditën e sotme në kuadër të Samitit të Ballkanit Perëndimor.
Në fjalën e tij Varheyli është shprehur se BE është e gatshme të jap fonde për të gjithë rajonin e Ballkanit Perëndimor ne kuadër të një plani ekonomik, por jo vetëm.
“Ne kemi arritur një marrëveshje në BE për financimin e këtij plani. E kemi arritur javën e shkuar me këshillin dhe BE. Kjo është asistenca e fondeve.
Kështu që ne nga ana jonë jemi mëse të gatshëm për të ndihmuar edhe me fonde për të gjithë këtë plan, por duhet dhe bashkëpunimi me Ballkanin Perëndimor. “– u shpreh Oliver Varhelyi.
Ndërkohë ditën e sotme pritet të firmosen marrëveshje të rëndësishme në sektorin ekonomik, siç pritet të jetë ajo e vendit tonë me Maqedoninë e Veriut për lehtësimin e kalimit të mallrave ose tregtisë në të gjitha pikat e kalimit doganar, me fokus të veçantë në Qafë-Thanë.
Megjithatë, në këtë takim Shqipëria pritet të vijë me kërkesa specifike për BE-në, siç është edhe njohja reciproke e certifikave të gjelbërta të vaksinimit apo përshpejtimi i procedurave për uljen e tarifave roaming mes vendeve të Ballkanit Perëndimor dhe BE-së dhe lehtësimi i procedurave tregtare dhe të transportit me vendet kufitare anëtarë të Unioni.
Ndër të tjera në fjalën e tij Varhelyi është shpehur se BE ka një plan të gatshëm investimi prej 30 mld euro.
“Shohim rezultatet që po ndryshojnë jetën e qytetarëve, për marrëveshjen pa tarifa, në të gjithë Ballkanin Perëndimor. Kjo është arritje tepër e madhe, sepse do të ketë gjëra të mëdha, sepse njerëzit do të lëvizin me karta ID, njohja e diplomave. Ne jemi të gatshëm të rikonfirmojmë angazhimin tonë, që kemi vënë në tryezë me planin e investimeve. Pra pothuajse rreth 30 mld euro do të vijnë në Rajon.
Nuk ka kuptim për të punuar më shumë për këto hekurudha nëse trenat do të hasin vështirësi. Kështu që ky plan ekonomik dhe investimesh do të japë rezultatet e tjra, nëse ky rajon, punon për tregun rajonal. Lajmi që unë solla është se kemi një marrëveshje në BE, për financimin e këtij plani. Kemi arritur këtë marrëveshje me KE, për programin. Kjo do të jetë mekanizëm që do të financohet ky plan, jemi të gatshëm edhe për fondet për të bërë këtë plan dhe ne duam që ky plan të vendoset sa është e mundur në veprim”.- tha ndër të tjera Varhelyi./Opinion.al
