Jeroldina Iljazi, vetëm 25 vjeçe i dha fund jetës në moshë të re dhe sapo kishte nisur edhe karrierën në Policinë e Shtetit. Akti i vetëflijimit të saj ka lënë pa fjalë kolegët e të njohurit të cilët e kujtojnë si vajzë tejet të edukuar. Media ka mësur se dje në mbrëmje, në portën e shtëpisë kishte trokitur kolegu i punës i cili priste Jeroldinën për të marrë turnin e punës. Nga dhoma është dëgjuar krisma e pistoletës, me të cilën ajo kishte vrarë veten.
Sipas burimeve, e reja vuante së tepërmi gjendjen e rënduar financiare të familjes, por mbi të gjitha depresionin e së ëmës, e cila siguronte jetesën prej vitesh duke dalë me një peshore poshtë banesës për të siguruar disa qindarka.
Kolegët e saj kanë vlerësuar karakterin e saj miqësor e të dashur, duke shprehur habi për aktin e ndërmarrë, pavarësisht probleme familjare të cilat ata i dinin shumë mirë
Rreth orës 16.00 të së shtunës, Jeroldina Iljazi, efektivja e policisë që i dha fund jetës në banesën e saj në Sarandë është përcjellur në banesën e fundit.
