Temperaturat e larta të ditëve të fundit mund të përbëjnë kërcënim serioz për shëndetin, e veçanërisht të sëmurët me zemër. Sipas kardiologes Eva Duraku, për shkak të vapës ka luhatje të tensionit dhe probleme me aritminë tek pacientët.
Për të gjithë ata që zgjedhin detin për t’u freskuar, mjekja thekson se duhet të tregojnë kujdes pasi kontakti i trupit me ujin në orarin e mesditës mund të shkaktojë edhe atak kardiak.
Specialistët rekomandojnë që për të shmangur problemet shëndetësore që mund të kthehen në kërcënuese për jetën, duhet të qëndrohet në ambiente sa më të freskëta dhe sa më larg qëndrimit në diell.
