Ish-kryebashkiaku i Durrësit, Vangjush Dako në seancën e sotme gjyqësorëe, ku pritet të jepet masa e sigurisë ndaj tij, ka mohuar akuzat e SPAK.
Në lidhje me pallatin qe prokuroria thotë se është dhënë leja në kundershti me ligjin, Dako është shprehur përpara togave të zeza se nuk ka dijeni, madje nuk e di dhe sa kate eshte.
Më tej, ai ka dhënë sqarime edhe në lidhje me tenderin për blerjen e projektit për zhvillimin e vijës bregdetare, nga zona e “Brrylit” deri në “Currila”, me pretendimin se nuk ka pasur dijeni dhe gjithçka ka qenë në dorën e specialistëve. Sipas Dakos, kjo procedurë prokurimi publik është zhvilluar nga specialistët.
Abc news raporton se ish-kryebashkiaku ka deklaruar se nuk e ka shkelur në asnjë momemt procedurën e prokurimit për këtë tender.
Ish-kryetari i Bashkisë Durrës, Vangjush Dako, i ka kërkuar gjykatës masë më të butë sigurie. Ai akuzohet per veprat penale të shpërdorimit të detyrës dhe falsifikim dokumentesh.
