Kandidati i Partisë Socialiste për Bashkinë Himarë, Vangjel Tavo ka votuar ditën e sotme në qendrën në Palasë.
Pas votimit, Tavo ka dhënë një prononcim të shkurtër për mediat, ku u shpreh se ditën e sotme e kanë fjalën himariotët për të votuar.
Tavo u ka bërë thirrje zgjedhësve që të dalin masivisht për të votuar.
Vangjel Tavo: Sot e kanë fjalën Himara dhe himariotët për të votuar. Procesi deri tani ka qenë shumë i qetë. Uroj që ky proces të vijojë kështu sikurse ka mbizotëruar dhe gjatë fushatës elektorale. I bëj thirrje të gjithë banorëve të dalin masivisht në votime, të votojnë projektin dhe alternativën më të mirë për Himarën.
I pyetur në lidhje me moslejimin e rreth 200 zgjedhësve për të votuar në Himarë fshat për shkak të skadimit të kartave të tyre të identitetit, Tavo ka thënë se kjo është çështje e ligjit, për të cilën nuk preferuar të japë koment.
