Deputeti Vangjel Dule, ka kërkuar sot nga seanca e Kuvendit lirimin e menjëhershëm të Fredi Belerit, kandidatit fitues në Himarë.
Dule akuzon kryeministrin Rama se fshihet pas këtij urdhri, ndërsa theksoi se Beleri është një i burgosur politik.
Ndër të tjera ai ka folur edhe për Pandeli Kokaveshi, ku thotë se ka bërë transplant zemre dhe pikërisht për këtë ai ka njoftuar autoritetet më të larta të drejtësisë, duke I thënë që nëse mbahet në burg, është në rrezik për jetën, por sipas tij nuk ka pasur asnjë reagim.
“Edhe me denigrimin, me blerjen e votës dhe kujtuam se i kishim parë të gjitha. Por sekti në pushtet na surprizoi sërish. Duke provuar se nuk njeh limite, verbëria e arrogancën i çoi deri në aktin që dëshmon tiraninë. Arrestimin e kandidatit rival dhe më pas fituesin e zgjedhjeve. Kush nuk shkon pas ujërave të komandantit, ndëshkohet. Komuniteti që guxon të krijojë liri, do ta paguaj. Ai që i prin komunitetit, burgoset. Kryetari i komunitetit himariotë, është i burgosur politik, është rrëmbyer nga sekti i Rilindjes. është marrë peng nga Edi Rama.
Zoti Beleri është arrestuar në flagrancë për dyshime. Si mund ta ketë një kryeministër personalisht e qytetarë? Këtu çdo gjë është në duart e njëshit. Dëshiroj t’ju drejtoj një thirrje të fundit. Sot kreu i bashkisë së Himarës, duhet të shkojë në komunitetin himariotë. Janë njerëz të lirë dhe ndaj janë të lumtur. Nuk hezitojnë që për demokracinë të japin leksione. Bashkë me Belerin është marrë peng dhe Pandeli Kokaveshi, me të njëjtat akuza. Është njeri që ka bërë transplant zemre.
Pavarësisht se kam njoftuar autoritetet më të larta dhe të drejtësisë, që nëse mbahet në burg, është në rrezik për jetën, por vazhdojnë ta mbajnë peng. Ka nisur dhe IKMT-ja hakmarrje. Objekti i legalizuar u rrethua nga qeveria, nga IKMT. Cili ishte mëkati i zotërisë së moshuar? Thjesht i biri kishte qenë numërues në zgjedhjet që zgjodhën fitimtar zotin Beleri. Ku po e çoni vendin o zotërinj? Deri sa të mbështesni një autokrat”, tha Dule./Opinion.al
