TIRANË- Kreu i PBDNJ, Vangjel Dule që u nda me koalicionin e majtë ‘de facto’ për reformën territoriale është parë sot të vizitojë selinë e PD-së.
Dule, siç shihet edhe në foto, ka zgjedhur të takojë Bashën jo larg vëmendjes së mediave. Ai ka shkuar në selinë e PD në mesditë kur media ishte aty për aktivitete të tjera të opozitës. “Ishte një kafe kortezie” ka thënë Dule i pyetur nga gazetarët.
Gjithsesi nuk ka ende asgjë të konfirmuar nëse PBDNJ-në e Vangjel Dules do të dalë në opozitë, pasi edhe pse me marrëdhënie janë ftohur me Ramën, formalisht është pjesë e koalicionit të majtë.
