Me vetëm 88 vota pro nga 89 deputetë të pranishëm në sallë, parlamenti shqiptar ka miratuar projekt-ligjin për “vettingun”.
Projektiligji ka kaluar vetëm me votat e PS, LSI dhe PDIU, teksa është vënë re abstenimi nga kreu i PBDNJ-së Vangjel Dule.
Opozita e braktisi sallën, duke hequr kështu dorë nga votimi dhe konsideruar projektligjin antikushtetues.
Votën e tyre pro e kanë dhënë edhe deputetët e përjashtuar nga grupi parlamentar i partisë socialiste, Armando Prenga e Tom Doshi.
Menjëherë pas votimit, në një deklaratë për mediat, Kryeministri Edi Rama ka thënë se ky votim ishte një mesazh i qartë për kastën e të korruptuarve në drejtësi.
“Ata që do të transferohen nga ngrehina e re në pallatin e drejtësisë, janë ata që do të kalojnë procesin e skanimit”-tha Rama.
