Trajneri i njohur holandez Louis Van Gaal ka vendosur t’i japë fund karrierës. Ai ka thënë se këtë gjë ia ka premtuar bashkëshortes së tij, më të cilën tani do të kalojë disa kohë të qeta.
“Edhe gruaja ime ka të drejtën e një jete me Louis Van Gaal. Po e lë këtë profesion përfundimisht. Gruaja ime e ndërpreu punën 22 vite më parë për të më shoqëruar jashtë vendit. I premtova se do të tërhiqesha në moshën 55-vjeçare. Tani jam 67 vjeç. Mund të them se ajo është shumë e lumtur me këtë vendim që kam marrë”, u shpreh trajneri holandez.
Louis Van Gaal është ndër trajnerët më të suksesshëm të dy dekadave të fundit, që ka trajnuar ekipe si Ajax, Barcelona, Bayern Munchen, Mabchester United dhe dy herë kombëtaren e Holandës./Opinion.al
