Çështja e Kosovës është kthyer sërish në fokus të diskutimeve, duke u bërë sot shkak i përplasjeve në Këshillin e Europës. Në fjalën e saj, deputetja Leskaj kërkoi që Kosova të bëhet anëtare me të drejta të plota e Këshillit të Europës, ndërsa ka kritikuar qëndrimin e koleges serbe mbi raportin për Kosovën. “Unë vij nga një vend ku lojtarët e futbollit të ekipit serb deklaruan se u ndjenë shumë mirë në Shqipëri dhe të njëjtën gjë deklaruan studentët serbë të cilët ndenjën në familjet shqiptare. Unë besoj që nuk duhet të përdorim këto modele për rajonin tonë që sjellin erën e bashkëpunimit, komunikimit, por është e vështirë të kuptoj gjuhën që u përdor këtu. Unë do të shpresoja se ky nuk është qëndrim zyrtar dhe se nuk jemi këtu t’i tregojmë gishtin njëri-tjetrit, por do gjejmë mundësitë e të kontribuojmë për dialog, paqe dhe stabilitet te rajoni dhe ky është roli i KiE”, u shpreh Leskaj.
