Në valën e ndryshimeve në administratën e lartë shtetërore sot mësohet largimi i kreut të Komsionit të Prokurimit Publik, Gentian Këri. Po kështu ka dhënë dorëheqjen anëtarja, Juliana Hoxha. Kryeministri Edi Rama ka bërë menjëherë zëvendësimet.
Kështu, vendin e kryetarit në Komsionin e Prokurimit Publik e ka zënë Evis Shurdha e cila deri dje ka mbajtur pozicionin e Drejtores së Administratës dhe Shërbimeve në Kryeministri kurse anëtari tjetër është Kleves Janku që deri dje mbante detyrën e drejtorit juridik në Ministrinë e Bujqësisë.
Largimet nga poste të rëndësishme në administratë së fundmi kanë qenë të shumta duke qenë se vetëm pak ditë më parë pati edhe ndryshime në pozicione të rëndësishme të institucioneve të riskut. Kujtojmë se vetëm pak ditë më parë ndryshuan drejtoret e Tatimeve, Doganave dhe QKR-së.
Burimet thonë se kreu i Prokurimeve mund të jetë larguar pas rrëzimit të koncensionit të Rrugës së Kombit nga ana e Komisionit të Prokurimit Publik.
Edhe pse kjo mund të ketë pak ose aspak lidhje kjo ka qenë edhe vendimmarrja më e rëndësishme e Komisionit në tre vite të qeverisjes së Partisë Socialiste.
*Në foto drejtoresha e re e Prokurimeve, Evis Shurdha
