Valdrin Pjetri vazhdon të mos jap shpjegime pse nuk shkel në territorin italian, pas akuzave të bëra nga PD se ai ka qenë i arrestuar. Në reagimin e funit, kryetari i ri i Shkodrës thotë se “Qentë le të lehin, karvani ecën përpara”.
“Valdrin Pjetri nuk është e keqja e Shkodrës. Nuk është ai që ka abuzuar dhe ka shpërdoruar pafund fonde publike. Valdrin Pjetri nuk është shkaktar i gjendjes së mjerueshme, ku gjendet qyteti i Shkodrës sot. Në pak muaj të gjithë banorët e Shkodrës do shikojnë realitetin ndryshe, të një qyteti që do administrohet dhe menaxhohet me përkushtim dhe devotshmëri”, thekson Pjetri.
Reagimi i tij erdhi pasi në Shkodër këtë të hënë janë parë pankarta ku shkruhej: Narko Valdrini Jashtë Bashkisë. Pankartat ishin vendosur pranë makinave të parkuara në rrugët kryesore të qytetit.
Kryetari i Partisë Demokratike, Lulzim Basha akuzoi kryeministrin Edi Rama se ka bllokuar hetimet për kryebashkuan e zgjedhur të Shkodrës, Valdrin Pjetri.
Në një postim në Facebook, Basha thotë se Kryeministri ka marrë çdo pushtet dhe është një rrezik për çdo familje. Sipas kreut të demokratëve, Valdrin Pjetri duhet të ishte marrë i pandehur sepse ka shkelur ligjin e Dekriminalizimit./ Opinion.al
