Prej disa ditësh në të gjitha Qendrat Shëndetësore të vendit po ofrohen vaksinat kundër gripit stinor.
Specialistja Bruna Shiroka tregon kategoritë që duhet ta marrin këtë vaksinë me patjeter gjatë kësaj periudhe.
“Për grupmosha të përcaktuara me problematika shëndetësore të përcaktuara që mund t’i përmendim janë grupmoshat mbi 60 vjeç, pacientët me sëmundje kronike pavarësisht moshës, punonjësit e rendit, shëndetësisë, fëmijët e grupmoshve shkollore, ose punonjësit e kujdesit për të moshuar apo fëmijë.”
Sipas specialistes kjo është periudha më e përshtatshme për të kryer vaksinën kundër gripit e cila është falas.
“Është vaksinë që bëhet në një dozë. Pacientët janë mësuar tashmë. Është në kohën më të mirë të mundshme të ofrimit për të siguruar mbrojtjen gjatë muajve të dimrit atëherë kur gripi dominon sëmundshëmrin akute”, tha speacialistja.
Për kategori të caktuara kjo vaksinë ofrohet edhe në shtëpi nga specialistët.
“Ofrojmë këtë shërbim për të pamundurit në ambientet e banesave të tyre”, shtoi ajo.
Në të gjithë vendin janë shpërndarë mbi 260 mijë doza vaksinash kundër gripit stinor./tvklan
